ਅਮਰੀਕਾ ‘ਚ ਅਰਬਪਤੀਆਂ ਦੀ ਸੂਚੀ ‘ਚ ਭਾਰਤੀਆਂ ਦਾ ਦਬਦਬਾ, ਜੈ ਚੌਧਰੀ ਸਿਖਰ ‘ਤੇ

ਨਿਊਯਾਰਕ– ਅਮਰੀਕਾ ਵਿੱਚ ਭਾਰਤੀ ਮੂਲ ਦੇ ਅਰਬਪਤੀਆਂ ਦੀ ਗਿਣਤੀ ਸਭ ਤੋਂ ਵੱਧ ਹੋ ਗਈ ਹੈ। ਇਸ ਮਾਮਲੇ ਵਿੱਚ ਭਾਰਤ ਨੇ ਇਜ਼ਰਾਈਲ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ। ਫੋਰਬਸ ਦੀ ‘ਅਮਰੀਕਾ ਦੇ ਸਭ ਤੋਂ ਅਮੀਰ ਪ੍ਰਵਾਸੀ 2025’ ਦੀ ਸੂਚੀ ਵਿੱਚ ਭਾਰਤ ਦੇ 12 ਅਰਬਪਤੀ ਸ਼ਾਮਲ ਹਨ, ਜਦੋਂ ਕਿ ਇਜ਼ਰਾਈਲ ਅਤੇ ਤਾਈਵਾਨ ਦੇ ਅਰਬਪਤੀਆਂ ਦੀ ਗਿਣਤੀ 11-11 ਹੈ।

2025 ਵਿਚ ਜੈ ਚੌਧਰੀ ਸਭ ਤੋਂ ਅਮੀਰ ਪ੍ਰਵਾਸੀ

ਅਮਰੀਕਾ ਵਿੱਚ ਸਭ ਤੋਂ ਅਮੀਰ ਭਾਰਤੀ ਜੈ ਚੌਧਰੀ ਹਨ, ਜਿਨ੍ਹਾਂ ਦੀ ਜਾਇਦਾਦ 1790 ਕਰੋੜ ਡਾਲਰ (1,53,414 ਕਰੋੜ ਰੁਪਏ) ਹੈ। ਹਿਮਾਚਲ ਪ੍ਰਦੇਸ਼ ਦੇ ਇੱਕ ਛੋਟੇ ਜਿਹੇ ਪਿੰਡ ਵਿੱਚ ਜਨਮੇ ਜੈ 1980 ਦੇ ਦਹਾਕੇ ਵਿੱਚ ਪੜ੍ਹਾਈ ਕਰਨ ਲਈ ਅਮਰੀਕਾ ਗਏ ਅਤੇ ਉੱਥੇ Zscaler ਨਾਮਕ ਇੱਕ ਸਾਈਬਰ ਸੁਰੱਖਿਆ ਕੰਪਨੀ ਦੀ ਸਥਾਪਨਾ ਕੀਤੀ।

ਅਮਰੀਕਾ ‘ਚ ਕਿਸ ਦੇਸ਼ ਦੇ ਕਿੰਨੇ ਅਰਬਪਤੀ 

ਅਮਰੀਕਾ ਵਿੱਚ 902 ਅਰਬਪਤੀ ਹਨ, ਜਿਨ੍ਹਾਂ ਵਿੱਚੋਂ 125 ਵਿਦੇਸ਼ੀ ਮੂਲ ਦੇ ਹਨ। ਇਹ ਅਰਬਪਤੀ 43 ਦੇਸ਼ਾਂ ਦੇ ਹਨ ਅਤੇ ਇਨ੍ਹਾਂ ਵਿੱਚੋਂ ਭਾਰਤੀਆਂ ਦੀ ਗਿਣਤੀ ਸਭ ਤੋਂ ਵੱਧ ਹੈ। ਜਰਮਨੀ ਦੇ 6, ਚੀਨ ਦੇ 8, ਕੈਨੇਡਾ ਦੇ 9, ਤਾਈਵਾਨ ਦੇ 11, ਇਜ਼ਰਾਈਲ ਦੇ 11 ਅਤੇ ਭਾਰਤ ਦੇ 12 ਹਨ।  ਵਿਦੇਸ਼ਾਂ ਵਿੱਚ ਜਨਮੇ ਲੋਕ ਕੁੱਲ ਅਮਰੀਕੀ ਅਰਬਪਤੀਆਂ ਵਿੱਚੋਂ 14% ਹਨ, ਜਿਨ੍ਹਾਂ ਦੀ ਕੁੱਲ ਜਾਇਦਾਦ 1.3 ਟ੍ਰਿਲੀਅਨ ਡਾਲਰ ਹੈ, ਜੋ ਕਿ ਅਮਰੀਕੀ ਅਰਬਪਤੀਆਂ ਦੀ ਕੁੱਲ ਜਾਇਦਾਦ 7.2 ਟ੍ਰਿਲੀਅਨ ਡਾਲਰ ਦਾ 18% ਹੈ।

ਅਮਰੀਕਾ ਵਿੱਚ ਸਭ ਤੋਂ ਅਮੀਰ ਭਾਰਤੀ (ਮਿਲੀਅਨ ਡਾਲਰ ਵਿੱਚ ਕੁੱਲ ਜਾਇਦਾਦ, ਫੋਰਬਸ 2025 ਦੀ ਸੂਚੀ ਵਿੱਚ ਭਾਰਤੀ ਮੂਲ ਦੇ ਅਰਬਪਤੀ)

ਜੈ ਚੌਧਰੀ-1799
ਵਿਨੋਦ ਖੋਸਲਾ-930
ਰਾਕੇਸ਼ ਗੰਗਵਾਲ-660
ਰੋਮੇਸ਼ ਟੀ ਵਾਧਵਾਨੀ-500
ਰਾਜੀਵ ਜੈਨ-480
ਰਾਜ ਸਰਦਾਨਾ-200 
ਡੇਵਿਡ ਪਾਲ-150
ਸੱਤਿਆ ਨਡੇਲਾ-110
ਕਵੀਤਰਕ ਰਾਮ-300 
ਨਿਕੇਸ਼ ਅਰੋੜਾ-140
ਸੁੰਦਰ ਪਿਚਾਈ-110
ਨੀਰਜਾ ਸੇਠੀ-100

ਚੋਟੀ ਦੇ 3 ਅਮੀਰ

ਅਮਰੀਕਾ ਦੇ ਸਭ ਤੋਂ ਅਮੀਰ ਪ੍ਰਵਾਸੀ ਟੇਸਲਾ ਦੇ ਸੀ.ਈ.ਓ ਐਲੋਨ ਮਸਕ ਹਨ, ਜਿਨ੍ਹਾਂ ਦੀ ਦੌਲਤ 393.1 ਬਿਲੀਅਨ ਡਾਲਰ ਹੈ। ਉਹ ਦੱਖਣੀ ਅਫ਼ਰੀਕੀ ਮੂਲ ਦੇ ਹਨ। ਰੂਸੀ ਮੂਲ ਦੇ ਗੂਗਲ ਦੇ ਸਹਿ-ਸੰਸਥਾਪਕ ਸਰਗੇਈ ਬ੍ਰਿਨ ਦੂਜੇ ਸਥਾਨ ‘ਤੇ ਹਨ ਅਤੇ ਤਾਈਵਾਨੀ ਮੂਲ ਦੇ ਐਨਵੀਡੀਆ ਦੇ ਸੀ.ਈ.ਓ ਜੇਨਸਨ ਹੁਆਂਗ ਤੀਜੇ ਸਥਾਨ ‘ਤੇ ਹਨ।