ਅੰਮ੍ਰਿਤਸਰ – ਅੰਮ੍ਰਿਤਸਰ ਦੇ ਸਰਹੱਦੀ ਪਿੰਡ ਬੋਪਾਰਾਏ ਤੋਂ ਵੱਡਾ ਮਾਮਲਾ ਸਾਹਮਣੇ ਆਇਆ ਹੈ ਜਿਥੇ ਕੁਲਵੰਤ ਸਿੰਘ ਨਾਮਕ ਵਿਅਕਤੀ ਦੇ ਰਾਤ ਪਿਸ਼ਾਬ ਕਰਨ ਮੌਕੇ ਗੋਲੀ ਲੱਗੀ ਹੈ ਅਤੇ ਉਹ ਹਸਪਤਾਲ ‘ਚੋਂ ਖੁਦ ਦੇ ਪੈਸਿਆ ਨਾਲ ਇਲਾਜ ਕਰਵਾ ਘਰ ਪਹੁੰਚਿਆ ਹੈ । ਜਿਸਦੇ ਚਲਦੇ ਪਿੰਡਵਾਸੀਆਂ ਵੱਲੋ ਪੰਜਾਬ ਸਰਕਾਰ ਕੋਲੋਂ ਇਸ ਪੀੜਤ ਪਰਿਵਾਰ ਦੀ ਮਦਦ ਲਈ ਗੁਹਾਰ ਲਗਾਈ ਗਈ ਹੈ।
ਇਸ ਸੰਬਧੀ ਪੀੜਤ ਕੁਲਵੰਤ ਸਿੰਘ ਪਿੰਡ ਬੋਪਾਰਾਏ ਨੇ ਦੱਸਿਆ ਕਿ 9 ਮਈ ਨੂੰ ਬਾਰਡਰ ‘ਤੇ ਹੋਈ ਫਾਇਰਿੰਗ ਦੇ ਚਲਦੇ ਉਹ ਵਲੋਂ ਘਰ ਦੇ ਵਿਹੜੇ ‘ਚੋਂ ਉੱਠ ਕੇ ਅੰਦਰ ਕਮਰੇ ਵਿਚ ਸੌਣ ਚਲੇ ਗਏ ਪਰ ਜਦੋਂ ਰਾਤ ਨੂੰ ਉਹ ਪਿਸ਼ਾਬ ਕਰਨ ਉਠਿਆ ਤਾਂ ਇਕ ਤੀਖੀ ਚੀਜ਼ ਉਸ ਦੀ ਵੱਖੀ ‘ਚ ਵੱਜ ਗਈ। ਜਦੋਂ ਉਹ ਹਸਪਤਾਲ ਗਿਆ ਤਾਂ ਇਲਾਜ ਦੌਰਾਨ ਡਾਕਟਰਾਂ ਨੇ ਉਸ ਦੇ ਪੇਟ ‘ਚ ਲੱਗੀ ਗੋਲੀ ਕੱਢੀ।
ਉਧਰ ਇਸ ਸੰਬਧੀ ਪਿੰਡਵਾਸੀਆਂ ਦਾ ਇਹ ਕਹਿਣਾ ਹੈ ਕਿ ਸਾਡੇ ਪਿੰਡ ਦੇ ਕੁਲਵੰਤ ਸਿੰਘ ਦੇ ਬਾਰਡਰ ‘ਤੇ ਹੋ ਰਹੀ ਫਾਇਰਿੰਗ ਦੇ ਚਲਦੇ ਗੋਲੀ ਲਗੀ ਹੈ। 9 ਮਈ ਨੂੰ ਬਾਰਡਰ ਤੇ ਬੀਐੱਸਐੱਫ ਦੀ ਐਕਟੀਵਿਟੀ ਦੇ ਚਲਦੇ ਫਾਇਰਿੰਗ ਦੌਰਾਨ ਇਹ ਹਾਦਸਾ ਵਾਪਰਿਆ ਹੈ ਜਿਸ ਸੰਬਧੀ ਅਸੀਂ ਮੁੱਖ ਮੰਤਰੀ ਪੰਜਾਬ ਅਤੇ ਕੇਂਦਰ ਸਰਕਾਰ ਨੂੰ ਇਸ ਪੀੜਤ ਪਿੰਡਵਾਸੀ ਦੀ ਬਣਦੀ ਮਦਦ ਦੀ ਗੁਹਾਰ ਲਗਾਈ ਹੈ ਤਾਂ ਜੋ ਇਹ ਠੀਕ ਹੋ ਆਪਣੇ ਪਰਿਵਾਰ ਵਿਚ ਰਾਜੀ ਖੁਸ਼ੀ ਜੀਵਨ ਬਿਤਾ ਸਕੇ। ਉਧਰ ਪੁਲਸ ਵੱਲੋਂ ਗੱਲਬਾਤ ਦੌਰਾਨ ਦੱਸਿਆ ਕਿ ਪੁਲਸ ਇਸ ਮਾਮਲੇ ਦੀ ਬਰੀਕੀ ਨਾਲ ਜਾਂਚ ਕਰ ਰਹੀ ਹੈ।
