ਨੈਸ਼ਨਲ ਟਾਈਮਜ਼ ਬਿਊਰੋ :- ਪੰਜਾਬ ਸਰਕਾਰ ਪੰਜਾਬ ਦੇ ਪਸ਼ੂਪਾਲਕਾਂ ਦੀ ਆਮਦਨ ਵਧਾਉਣ ਅਤੇ ਦੁੱਧ ਉਤਪਾਦਨ ਨੂੰ ਬਹੁਤਰੀਕਰਨ ਦੇ ਉਦੇਸ਼ ਨਾਲ 5.3 ਕਰੋੜ ਰੁਪਏ ਦੀ ਲਾਗਤ ਨਾਲ 2 ਲੱਖ ਸੈਕਸਡ ਸੀਮਨ ਦੀ ਖਰੀਦ ਕਰਨ ਜਾ ਰਹੀ ਹੈ। ਇਹ ਗੱਲ ਪੰਜਾਬ ਦੇ ਪਸ਼ੂਪਾਲਨ, ਡੈਅਰੀ ਵਿਕਾਸ ਅਤੇ ਮੱਛੀ ਪਾਲਨ ਮੰਤਰੀ ਗੁਰਮੀਤ ਸਿੰਘ ਖੁੱਡੀਆਂ ਨੇ ਦੱਸਦੇ ਹੋਏ ਕਹੀ। ਉਨ੍ਹਾਂ ਦੱਸਿਆ ਕਿ ਮਾਰਚ 2025 ਤੱਕ 50,000 ਖੁਰਾਕਾਂ ਖਰੀਦੀਆਂ ਜਾਣਗੀਆਂ, ਜਦਕਿ ਜੂਨ 2025 ਤੱਕ 1.50 ਲੱਖ ਹੋਰ ਖੁਰਾਕਾਂ ਦੀ ਖਰੀਦ ਹੋਵੇਗੀ।
ਮੰਤਰੀ ਨੇ ਕਿਹਾ ਕਿ ਪਿਛਲੇ ਦੋ ਸਾਲਾਂ ਦੌਰਾਨ 1.75 ਲੱਖ ਸੈਕਸਡ ਸੀਮਨ ਦੀ ਆਪੂ੍ਰਤੀ ਕੀਤੀ ਗਈ, ਜਿਨ੍ਹਾਂ ਵਿੱਚੋਂ 1.58 ਲੱਖ ਖੁਰਾਕਾਂ ਪਹਿਲਾਂ ਹੀ ਵਰਤੀਆਂ ਜਾ ਚੁੱਕੀਆਂ ਹਨ। ਸਰਕਾਰ ਇਹ ਸੀਮਨ 250 ਰੁਪਏ ਪ੍ਰਤੀ ਖੁਰਾਕ ਉੱਤੇ ਉਪਲਬਧ ਕਰਵਾ ਰਹੀ ਹੈ, ਜਦਕਿ ਨਿੱਜੀ ਪੱਧਰ ‘ਤੇ ਇਹ ਕਾਫੀ ਮਹਿੰਗਾ ਵੇਚਿਆ ਜਾਂਦਾ ਹੈ।
ਸੈਕਸਡ ਸੀਮਨ ਦੇ ਉਪਯੋਗ ਨਾਲ ਪੰਜਾਬ ਦੇ ਪਸ਼ੂਪਾਲਕਾਂ ਦੀ ਆਮਦਨ ਵਧੇਗੀ ਅਤੇ ਪਸ਼ੂਆਂ ਦੀ ਗੁਣਵੱਤਾ ਸੁਧਰੇਗੀ। ਸਰਕਾਰ ਵਲੋਂ ਪਸ਼ੂਪਾਲਕਾਂ ਨੂੰ ਵਧੇਰੇ ਆਰਥਿਕ ਮਦਦ ਅਤੇ ਤਕਨੀਕੀ ਸਹਾਇਤਾ ਦੇਣ ਦੀ ਯੋਜਨਾ ਵੀ ਬਣਾਈ ਜਾ ਰਹੀ ਹੈ।
