ਅਦਾਕਾਰਾ ਹਿਨਾ ਖ਼ਾਨ ਨੇ ਹਾਲ ਹੀ ਵਿੱਚ ਆਪਣੇ ਕੈਂਸਰ ਦੇ ਇਲਾਜ ਬਾਰੇ ਇੱਕ ਵੱਡਾ ਅਪਡੇਟ ਦਿੱਤਾ ਹੈ। ਅਦਾਕਾਰਾ ਨੇ ਪਾਪਰਾਜ਼ੀ ਨੂੰ ਦੱਸਿਆ ਸੀ ਕਿ ਉਸ ਦੇ ਕੀਮੋਥੈਰੇਪੀ ਸੈਸ਼ਨ ਹੁਣ ਪੂਰੇ ਹੋ ਗਏ ਹਨ। ਹਿਨਾ ਨੇ ਖੁਦ ਕਿਹਾ ਕਿ ਉਹ ਹੁਣ ਇਮਯੂਨੋ ਥੈਰੇਪੀ ਕਰਵਾ ਰਹੀ ਹੈ। ਇਲਾਜ ਦੌਰਾਨ ਅਦਾਕਾਰਾ ਬਹੁਤ ਕਮਜ਼ੋਰ ਹੋ ਗਈ ਹੈ ਅਤੇ ਇਮਯੂਨੋ ਥੈਰੇਪੀ ਨਾਲ ਸਰੀਰ ਦੀ ਇਮਿਊਨ ਸਿਸਟਮ ਨੂੰ ਮਜ਼ਬੂਤ ਕੀਤਾ ਜਾਵੇਗਾ। ਹੁਣ ਆਪਣੇ ਬਿਆਨ ਤੋਂ ਬਾਅਦ ਹਿਨਾ ਖ਼ਾਨ ਨੇ ਇੱਕ ਤਸਵੀਰ ਵੀ ਸਾਂਝੀ ਕੀਤੀ ਹੈ।
ਹਿਨਾ ਦੇ ਸਰੀਰ ‘ਤੇ ਦਿਸੇ ਨਿਸ਼ਾਨ
ਹਿਨਾ ਖ਼ਾਨ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ‘ਤੇ ਜਿੰਮ ਲੁੱਕ ਵਿੱਚ ਇੱਕ ਤਸਵੀਰ ਪੋਸਟ ਕੀਤੀ। ਇਸ ਵਿੱਚ ਅਦਾਕਾਰਾ ਆਪਣੇ ਹੱਥ ਉੱਪਰ ਕਰਕੇ ਪੋਜ਼ ਦੇ ਰਹੀ ਹੈ। ਇਸ ਦੌਰਾਨ ਪ੍ਰਸ਼ੰਸਕਾਂ ਦਾ ਧਿਆਨ ਅਦਾਕਾਰਾ ਦੇ ਅੰਡਰਆਰਮਸ ਵੱਲ ਜ਼ਰੂਰ ਜਾਵੇਗਾ, ਜਿੱਥੇ ਇਲਾਜ ਕਾਰਨ ਹੋਏ ਨਿਸ਼ਾਨ ਸਾਫ਼ ਦਿਖਾਈ ਦੇ ਰਹੇ ਹਨ। ਇਸ ਤਸਵੀਰ ਨਾਲ ਹਿਨਾ ਖ਼ਾਨ ਨੇ ਆਪਣੇ ਜ਼ਖ਼ਮਾਂ ਨੂੰ ਉਜਾਗਰ ਕੀਤਾ ਹੈ। ਉਸ ਨੂੰ ਇਹ ਜ਼ਖ਼ਮ ਰੇਡੀਏਸ਼ਨ ਕਾਰਨ ਲੱਗੇ ਸਨ। ਹੁਣ ਹਿਨਾ ਖ਼ਾਨ ਨੇ ਦੁਨੀਆ ਸਾਹਮਣੇ ਰੇਡੀਏਸ਼ਨ ਬਰਨ ਦੇ ਨਿਸ਼ਾਨ ਪੇਸ਼ ਕੀਤੇ ਹਨ।
ਹਿਨਾ ਨੇ ਫਲਾਂਟ ਕੀਤੀ ਰੇਡੀਏਟਿਡ ਸਕਿਨ ਸਕਾਰਸ
ਹਿਨਾ ਖ਼ਾਨ ਨੇ ਆਪਣੀ ਇਸ ਖਾਸ ਤਸਵੀਰ ਨਾਲ ਇੱਕ ਨੋਟ ਵੀ ਸਾਂਝਾ ਕੀਤਾ ਹੈ। ਹਿਨਾ ਨੇ ਲਿਖਿਆ, ‘ਰੇਡੀਏਟਿਡ ਸਕਿਨ ਸਕਾਰਸ… ਜਿਨ੍ਹਾਂ ਨੂੰ ਰੇਡੀਏਸ਼ਨ ਬਰਨਜ਼ ਵੀ ਕਿਹਾ ਜਾਂਦਾ ਹੈ। ਕੋਈ ਗੱਲ ਨਹੀਂ, ਸਮੇਂ ਦੇ ਨਾਲ ਸਕਾਰ ਫਿੱਕੇ ਪੈ ਜਾਣਗੇ ਅਤੇ ਅਸੀਂ ਇਸ ‘ਤੇ ਕਾਬੂ ਪਾ ਲਵਾਂਗੇ। ਹਜ਼ਾਰਾਂ ਸੁੰਦਰ ਚੀਜ਼ਾਂ ਤੁਹਾਡੀ ਉਡੀਕ ਕਰ ਰਹੀਆਂ ਹਨ ਮਾਈ ਗਰਲ,’ ਭਰੋਸਾ, ਤਾਕਤ, ਵਿਸ਼ਵਾਸ, ਦਿਆਲਤਾ ਅਤੇ ਸ਼ੁਕਰਗੁਜ਼ਾਰੀ। #OneDayAtime #ScarredNotScared।’
ਹਿਨਾ ਦੀ ਤਸਵੀਰ ਹੋਈ ਵਾਇਰਲ
ਹੁਣ ਹਿਨਾ ਖ਼ਾਨ ਦੀ ਇਹ ਪੋਸਟ ਇੰਟਰਨੈੱਟ ‘ਤੇ ਤੇਜ਼ੀ ਨਾਲ ਫੈਲ ਰਹੀ ਹੈ। ਅਦਾਕਾਰਾ ‘ਤੇ ਨਿਸ਼ਾਨ ਦੇਖਣ ਤੋਂ ਬਾਅਦ ਇੱਕ ਪਾਸੇ ਪ੍ਰਸ਼ੰਸਕ ਚਿੰਤਤ ਹਨ ਪਰ ਦੂਜੇ ਪਾਸੇ ਉਨ੍ਹਾਂ ਨੂੰ ਰਾਹਤ ਮਿਲੀ ਹੈ ਕਿ ਉਸ ਦਾ ਇਲਾਜ ਠੀਕ ਚੱਲ ਰਿਹਾ ਹੈ। ਹਿਨਾ ਖ਼ਾਨ ਨੂੰ ਹਮੇਸ਼ਾ ਸਕਾਰਾਤਮਕ ਰਵੱਈਏ ਨਾਲ ਅੱਗੇ ਵਧਦੇ ਦੇਖਿਆ ਜਾਂਦਾ ਹੈ। ਉਸ ਦੀ ਪੋਸਟ ਹਰ ਵਾਰ ਉਸ ਦੇ ਪ੍ਰਸ਼ੰਸਕਾਂ ਨੂੰ ਪ੍ਰੇਰਣਾ ਨਾਲ ਭਰ ਦਿੰਦੀ ਹੈ। ਹੁਣ ਇੱਕ ਵਾਰ ਫਿਰ ਹਿਨਾ ਨੇ ਨਿਸ਼ਾਨ ਦਿਖਾ ਕੇ ਪ੍ਰਸ਼ੰਸਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ।
