Ludhiana West By-Elections 2025: ਆਪ ਲਈ ਅਹਿਮ ਇਮਤਿਹਾਨ, ਆਸ਼ੂ ਵੱਲੋਂ ਵਾਪਸੀ ਦੀ ਕੋਸ਼ਿਸ਼, ਭਾਜਪਾ ਦਿਖਾ ਰਹੀ ਮਜ਼ਬੂਤ ਦਾਅਵੇਦਾਰੀ

ਲੁਧਿਆਣਾ (ਨੈਸ਼ਨਲ ਟਾਈਮਜ਼): ਪੰਜਾਬ ਦੀ ਸਿਆਸੀ ਤੌਰ ‘ਤੇ ਸੰਵੇਦਨਸ਼ੀਲ ਅਤੇ ਸ਼ਹਿਰੀ ਸੀਟ ਲੁਧਿਆਣਾ ਵੈਸਟ ਦੀ ਉਪ-ਚੋਣ ਲਈ ਵੋਟਿੰਗ ਸ਼ੁਰੂ ਹੋ ਗਈ ਹੈ। ਇਹ ਚੋਣ ਆਮ ਆਦਮੀ ਪਾਰਟੀ (ਆਪ) ਦੀ ਸੂਬਾਈ ਲੀਡਰਸ਼ਿਪ ਲਈ ਇੱਕ ਟੈਸਟ ਮੰਨਿਆ ਜਾ ਰਿਹਾ ਹੈ।
ਕੁੱਲ 1.74 ਲੱਖ ਵੋਟਰ ਅੱਜ ਆਪਣੇ ਨਵੇਂ ਵਿਧਾਇਕ ਦੀ ਚੋਣ ਲਈ ਵੋਟ ਪਾ ਰਹੇ ਹਨ। ਇਹ ਉਪ-ਚੋਣ ਆਪ ਦੇ ਵਿਧਾਇਕ ਗੁਰਪ੍ਰੀਤ ਗੋਗੀ ਦੀ ਇਸ ਸਾਲ ਦੀ ਸ਼ੁਰੂਆਤ ਵਿੱਚ ਅਚਾਨਕ ਮੌਤ ਕਾਰਨ ਜ਼ਰੂਰੀ ਹੋਈ ਸੀ। ਇਤਿਹਾਸਕ ਤੌਰ ‘ਤੇ ਇਹ ਸੀਟ ਕਾਂਗਰਸ ਅਤੇ ਅਕਾਲੀ ਦਲ ਵਿਚਕਾਰ ਝੂਲਦੀ ਰਹੀ ਹੈ, ਪਰ ਇਸ ਵਾਰ ਸਮੀਕਰਨ ਜ਼ਿਆਦਾ ਜਟਿਲ ਹਨ—ਆਪ ਆਪਣੀ ਸੀਟ ਬਚਾਉਣ ਦੀ ਜੱਦੋਜਹਿਦ ਵਿੱਚ ਹੈ, ਕਾਂਗਰਸ ਗੁਆਚੀ ਸੀਟ ਵਾਪਸ ਲੈਣ ਦੀ ਕੋਸ਼ਿਸ਼ ਕਰ ਰਹੀ ਹੈ, ਅਤੇ ਭਾਜਪਾ 2024 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਮਜ਼ਬੂਤ ਪ੍ਰਦਰਸ਼ਨ ਤੋਂ ਬਾਅਦ ਗੰਭੀਰ ਚੁਣੌਤੀ ਪੇਸ਼ ਕਰ ਰਹੀ ਹੈ।
ਅਰੋੜਾ ਦੀ ਦੌਲਤ, ਆਸ਼ੂ ਦਾ ਅਤੀਤ, ਭਾਜਪਾ ਦੀਆਂ ਅਕਾਂਖਾਵਾਂ
ਆਪ ਦੇ ਉਮੀਦਵਾਰ ਅਤੇ ਰਾਜ ਸਭਾ ਸਾਂਸਦ ਸੰਜੀਵ ਅਰੋੜਾ ਨੂੰ ਸਥਾਨਕ ਸਿਆਸਤ ਵਿੱਚ ‘ਬਾਹਰੀ’ ਦੱਸ ਕੇ ਵਿਰੋਧੀਆਂ ਨੇ ਨਿਸ਼ਾਨਾ ਬਣਾਇਆ ਹੈ। ਵਿਰੋਧੀ ਪਾਰਟੀਆਂ ਨੇ ਆਪ ‘ਤੇ ਜ਼ਮੀਨੀ ਲੀਡਰਸ਼ਿਪ ਦੀ ਬਜਾਏ ਦੌਲਤ ਨੂੰ ਤਰਜੀਹ ਦੇਣ ਦਾ ਦੋਸ਼ ਲਗਾਇਆ। ਅਰੋੜਾ ਦੀ ਸੰਪਤੀ ਨੇ ਉਨ੍ਹਾਂ ‘ਤੇ ਅਮੀਰਵਾਦ ਦੇ ਦੋਸ਼ਾਂ ਨੂੰ ਹੋਰ ਹਵਾ ਦਿੱਤੀ।
ਦੂਜੇ ਪਾਸੇ, ਕਾਂਗਰਸ ਦੇ ਭਾਰਤ ਭੂਸ਼ਣ ਆਸ਼ੂ ਆਪਣੀ ਪੁਰਾਣੀ ਪਛਾਣ ਅਤੇ ਵਫ਼ਾਦਾਰੀ ਦੇ ਜ਼ੋਰ ‘ਤੇ ਵਾਪਸੀ ਦੀ ਉਮੀਦ ਰੱਖਦੇ ਹਨ। ਹਾਲਾਂਕਿ, ਉਨ੍ਹਾਂ ਦੇ ਮੰਤਰੀ ਅਹੁਦੇ ਦੌਰਾਨ ਵਿਵਾਦ ਅਤੇ ਭ੍ਰਿਸ਼ਟਾਚਾਰ ਦੇ ਮਾਮਲੇ ਵਿੱਚ ਗ੍ਰਿਫਤਾਰੀ, ਜਿਸ ਤੋਂ ਬੰਧ ਉਹ ਅਦਾਲਤ ਵੱਲੋਂ ਬਰੀ ਹੋਏ, ਉਨ੍ਹਾਂ ਲਈ ਚੁਣੌਤੀ ਬਣੇ ਹੋਏ ਹਨ।
ਭਾਜਪਾ ਦੇ ਜੀਵਨ ਗੁਪਤਾ ਆਪਣੇ ਆਪ ਨੂੰ “ਲੋਕਾਂ ਦੇ ਉਮੀਦਵਾਰ” ਵਜੋਂ ਪੇਸ਼ ਕਰ ਰਹੇ ਹਨ, ਅਤੇ ਪਾਰਟੀ 2024 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਲੁਧਿਆਣਾ ਵਿੱਚ ਮਿਲੀ ਮਜ਼ਬੂਤੀ ਨੂੰ ਭੁਣਾਉਣ ਦੀ ਕੋਸ਼ਿਸ਼ ਵਿੱਚ ਹੈ।
ਮੁੱਦਿਆਂ ਦੀ ਅਣਦੇਖੀ, ਨਾਅਰਿਆਂ ਅਤੇ ਬਦਨਾਮੀ ‘ਤੇ ਜ਼ੋਰ
ਲੁਧਿਆਣੇ ਦੀਆਂ ਵਧ ਰਹੀਆਂ ਸਮੱਸਿਆਵਾਂ—ਪ੍ਰਦੂਸ਼ਣ, ਆਵਾਰਾ ਕੁੱਤਿਆਂ ਦੀ ਭਰਮਾਰ, ਟਰੈਫਿਕ ਅਤੇ ਹਰਿਆਲੀ ਦੀ ਘਾਟ—ਦੇ ਬਾਵਜੂਦ, ਪ੍ਰਚਾਰ ਵਿੱਚ ਨਿੱਜੀ ਵਿਵਸਗਤ ਅਤੇ ਬਦਨਾਮੀ ‘ਤੇ ਜ਼ਿਆਦਾ ਧਿਆਨ ਦਿੱਤਾ ਗਿਆ।