ਨੈਸ਼ਨਲ ਟਾਈਮਜ਼ ਬਿਊਰੋ :- ਭਾਰਤ ਦੇ ਜ਼ਿਆਦਾਤਰ ਪ੍ਰਾਈਵੇਟ ਸਕੂਲਾਂ ਨੇ ਪਿਛਲੇ ਤਿੰਨ ਸਾਲਾਂ ਵਿੱਚ ਆਪਣੀ ਫੀਸ ਲਗਭਗ ਦੁੱਗਣੀ ਕਰ ਦਿੱਤੀ ਹੈ। ਲੋਕਲ ਸਰਕਲ ਰੀਪੋਰਟ ਮੁਤਾਬਕ, 8% ਮਾਪਿਆਂ ਨੇ ਕਿਹਾ ਕਿ ਉਨ੍ਹਾਂ ਦੇ ਬੱਚਿਆਂ ਦੀ ਸਕੂਲ ਫੀਸ ’ਚ 80% ਤੋਂ ਵੱਧ ਵਾਧਾ ਹੋਇਆ। 50-80% ਫੀਸ ਵਾਧੇ ਦੀ ਸ਼ਿਕਾਇਤ 36% ਮਾਪਿਆਂ ਨੇ ਕੀਤੀ। ਸਰਵੇਖਣ ‘ਚ ਸ਼ਾਮਲ 93% ਮਾਪਿਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਸੂਬਾ ਸਰਕਾਰ ਫੀਸ ਵਾਧੇ ਨੂੰ ਰੋਕਣ ਵਿੱਚ ਨਾਕਾਮ ਰਹੀ। ਸੁਪਰੀਮ ਕੋਰਟ ਪਹਿਲਾਂ ਹੀ ਕਹਿ ਚੁੱਕੀ ਹੈ ਕਿ ਰਾਜ ਸਰਕਾਰਾਂ ਨਿੱਜੀ ਗੈਰ-ਸਹਾਇਤਾ ਪ੍ਰਾਪਤ ਸਕੂਲਾਂ ਦੀ ਫੀਸ ਨੀਤੀ ‘ਚ ਦਖਲ ਨਹੀਂ ਦੇ ਸਕਦੀਆਂ। ਕਰਣਾਟਕ ਸਕੂਲ ਐਸੋਸੀਏਸ਼ਨ ਨੇ ਫੀਸ ਵਾਧੇ ਨੂੰ ਅਧਿਆਪਕਾਂ ਦੀ ਤਨਖਾਹ ਅਤੇ ਅਧਿਆਪਨ ਲਾਗਤਾਂ ਵਿੱਚ ਹੋਏ ਇਜਾਫ਼ੇ ਨਾਲ ਜੋੜਿਆ।
