ਨੈਸ਼ਨਲ ਟਾਈਮਜ਼ ਬਿਊਰੋ :- ਇੱਥੋਂ ਗਿਆਨੀ ਜ਼ੈਲ ਸਿੰਘ ਨਗਰ ਦੀ ਵਸਨੀਕ ਤੇ ਯਾਦਵਿੰਦਰਾ ਪਬਲਿਕ ਸਕੂਲ ਮੋਹਾਲੀ ਦੀ ਵਿਦਿਆਰਥਣ ਛੋਟੀ ਬੱਚੀ ਸਾਨਵੀ ਸੂਦ ਨੇ ਅੱਜ ਸਵੇਰੇ ਮਲੇਸ਼ੀਆ ਦੀ ਸਭ ਤੋਂ ਉੱਚੀ ਚੋਟੀ ਮਾਊਂਟ ਕੀਨਾਬਾਲੂ ’ਤੇ ਪੁੱਜ ਕੇ ਭਾਰਤ ਦਾ ਕੌਮੀ ਝੰਡਾ ਲਹਿਰਾਇਆ ਹੈ। ਸਾਨਵੀ ਸੂਦ ਦੀ ਮਾਤਾ ਗੀਤਿਕਾ ਸੂਦ ਨੇ ਦੱਸਿਆ ਕਿ ਸਾਨਵੀ ਸੂਦ ਆਪਣੇ ਪਿਤਾ ਦੀਪਕ ਸੂਦ ਨਾਲ 20 ਮਾਰਚ ਨੂੰ ਮਲੇਸ਼ੀਆ ਲਈ ਰਵਾਨਾ ਹੋਈ ਸੀ ਤੇ ਉਨ੍ਹਾਂ ਨੇ 21 ਮਾਰਚ ਨੂੰ ਟਰੈਕਿੰਗ ਸ਼ੁਰੂ ਕੀਤੀ ਸੀ ਅਤੇ ਅੱਜ ਸਵੇਰੇ 7.45 ਵਜੇ ਉਨ੍ਹਾਂ ਮਾਊਂਟ ਕੀਨਾਬਾਲੂ ਤੇ ਪੁੱਜ ਕੇ ਭਾਰਤ ਦਾ ਕੌਮੀ ਝੰਡਾ ਲਹਿਰਾਇਆ। ਉਨ੍ਹਾਂ ਦੱਸਿਆ ਕਿ ਮਾਊਂਟ ਕੀਨਾਬਾਲੂ ਦੀ ਤਿੱਖੀ ਚੜ੍ਹਾਈ ਰੱਸੀ ਤੇ ਹਾਰਨੈੱਸ ਦੀ ਸਹਾਇਤਾ ਨਾਲ ਚੜ੍ਹੀ ਗਈ।
