ਐਡਮੰਟਨ – ਅਲਬਰਟਾ ਨੇ ਜੂਨ ਮਹੀਨੇ ਦੌਰਾਨ 51,000 ਪੂਰਨਕਾਲੀਨ ਨੌਕਰੀਆਂ ਜੋੜ ਕੇ ਕੈਨੇਡਾ ਵਿੱਚ ਨੌਕਰੀ ਵਾਧੇ ‘ਚ ਸਭ ਤੋਂ ਅੱਗੇ ਰਹਿਣ ਦਾ ਰਿਕਾਰਡ ਬਣਾਇਆ। ਇਹ ਜਾਣਕਾਰੀ ਸੂਬੇ ਦੇ ਨੌਕਰੀ ਅਤੇ ਆਬਾਦੀ ਵਿਕਾਸ ਮੰਤਰੀ ਜੋਸਫ਼ ਸ਼ੋ ਨੇ ਦਿੱਤੀ।
ਉਨ੍ਹਾਂ ਕਿਹਾ ਕਿ ਇਹ ਨੌਕਰੀ ਵਾਧਾ ਅਲਬਰਟਾ ਦੀ ਮਜ਼ਬੂਤ ਅਰਥਵਿਵਸਥਾ ਅਤੇ ਵਧ ਰਹੀ ਲੋੜ ਨੂੰ ਦਰਸਾਉਂਦਾ ਹੈ। ਸ਼ੋ ਨੇ ਇਹ ਵੀ ਕਿਹਾ ਕਿ ਅਲਬਰਟਾ ਹੁਣ ਨੌਜਵਾਨਾਂ, ਨਵੇਂ ਪਰਿਵਾਰਾਂ ਅਤੇ ਉਦਯੋਗਾਂ ਲਈ ਸਭ ਤੋਂ ਵਧੀਆ ਥਾਵਾਂ ‘ਚੋਂ ਇੱਕ ਬਣ ਚੁੱਕੀ ਹੈ।
ਉਹਨਾਂ ਅਲਬਰਟਾ ਦੇ ਉਦਯੋਗਿਕ ਅਤੇ ਆਰਥਿਕ ਨੀਤੀਆਂ ਨੂੰ ਇਸ ਵਾਧੇ ਲਈ ਜ਼ਿੰਮੇਵਾਰ ਦੱਸਿਆ।
“ਸਾਡਾ ਲਕੜੀ, ਤੇਲ-ਗੈਸ, ਨਿਰਮਾਣ ਅਤੇ ਸੇਵਾਵਾਂ ਖੇਤਰ ਸਾਰੇ ਵਧ ਰਹੇ ਹਨ, ਜੋ ਸੂਬੇ ਲਈ ਆਮਦਨ ਅਤੇ ਰੁਜ਼ਗਾਰ ਦੇ ਨਵੇਂ ਮੌਕੇ ਲੈ ਕੇ ਆ ਰਹੇ ਹਨ,” ਮੰਤਰੀ ਨੇ ਕਿਹਾ।
ਇਹ ਨੌਕਰੀ ਵਾਧਾ ਸੂਬੇ ਦੀ ਮਹਿਲਾ ਅਤੇ ਨੌਜਵਾਨ ਵਰਗ ਵਿਚ ਵੀ ਇੱਕ ਨਵੇਂ ਉਤਸ਼ਾਹ ਦੀ ਨਿਸ਼ਾਨੀ ਬਣਿਆ ਹੈ।
