ਨੈਸ਼ਨਲ ਟਾਈਮਜ਼ ਬਿਊਰੋ :- ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਰੂਸ-ਯੂਕਰੇਨ ਯੁੱਧ ਨੂੰ ਲੈ ਕੇ ਵੱਡਾ ਬਿਆਨ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਦੋਹਾਂ ਧਿਰਾਂ ਨੇ ਜਲਦੀ ਸ਼ਾਂਤੀ ਦੀ ਦਿਸ਼ਾ ਵੱਲ ਨਹੀਂ ਵਧਿਆ, ਤਾਂ ਅਮਰੀਕਾ ਆਪਣੇ ਯਤਨਾਂ ਨੂੰ ਖਤਮ ਕਰ ਦੇਵੇਗਾ। ਟਰੰਪ ਨੇ ਇਸਨੂੰ “ਮੂਰਖਤਾਪੂਰਨ ਹਾਲਤ” ਕਰਾਰ ਦਿੰਦਿਆਂ ਕਿਹਾ ਕਿ ਅਸੀਂ ਸ਼ਾਂਤੀ ਸਮਝੌਤੇ ਤੋਂ ਬਾਹਰ ਆ ਸਕਦੇ ਹਾਂ।
ਇਸ ਤੋਂ ਪਹਿਲਾਂ, ਅਮਰੀਕੀ ਵਿਦੇਸ਼ ਮੰਤਰੀ ਮਾਰਕੋ ਰੂਬੀਓ ਨੇ ਵੀ ਕਿਹਾ ਸੀ ਕਿ ਜੇਕਰ ਅੱਗੇ ਕੋਈ ਠੋਸ ਪਗ ਨਹੀਂ ਚੁੱਕਿਆ ਗਿਆ, ਤਾਂ ਅਮਰੀਕਾ ਆਪਣੀ ਹਿੱਸੇਦਾਰੀ ਤੋਂ ਹਟ ਜਾਵੇਗਾ। ਰੂਬੀਓ ਨੇ ਫਰਮਾ ਦਿੱਤਾ ਕਿ ਉਹ ਪੈਰਿਸ ਵਿੱਚ ਦੋਹਾਂ ਧਿਰਾਂ ਨੂੰ ਇੱਕ ਠੋਸ ਰਾਹ ਤੇ ਲਿਆਉਣ ਲਈ ਗਏ ਸਨ, ਪਰ ਜੇਕਰ ਗੱਲਬਾਤ ਨਾ ਬਣੀ, ਤਾਂ ਟਰੰਪ ਜਲਦੀ ਹੀ ਇਹ ਯਤਨਾਂ ਖਤਮ ਕਰਨਗੇ।
ਇਸੇ ਦੌਰਾਨ, ਅਮਰੀਕਾ ਅਤੇ ਯੂਕਰੇਨ ਵਿਚਕਾਰ ਇੱਕ ਖਣਿਜ ਸੌਦਾ ਹੋਣ ਦੀ ਸੰਭਾਵਨਾ ਹੈ। ਯੂਕਰੇਨ ਦੀ ਆਰਥਿਕਤਾ ਮੰਤਰੀ ਨੇ ਦੱਸਿਆ ਕਿ ਦੋਹਾਂ ਦੇਸ਼ਾਂ ਨੇ ਇਸ ਬਾਰੇ ਇੱਕ ਸਮਝੌਤਾ ਪੱਤਰ ’ਤੇ ਦਸਤਖਤ ਕਰ ਦਿੱਤੇ ਹਨ।
ਇਸਦੇ ਬਦਲੇ, ਅਮਰੀਕਾ ਨੇ ਯੂਕਰੇਨ ਨੂੰ 350 ਬਿਲੀਅਨ ਡਾਲਰ ਦੇ ਹਥਿਆਰ ਦਿੱਤੇ ਹਨ, ਜਿਸ ਕਾਰਨ ਟਰੰਪ ਪ੍ਰਸ਼ਾਸਨ ਨੇ ਖਣਿਜਾਂ ਦੀ ਮੰਗ ਕੀਤੀ ਹੈ।
