ਲੁਧਿਆਣਾ : ਲੁਧਿਆਣਾ ਪੱਛਮੀ ਦੀ ਚੋਣੀ ਹਲਚਲ ਨਵੀਂ ਰਫ਼ਤਾਰ ਫੜ ਰਹੀ ਹੈ। ਮਾਹੌਲ ਵਿਚ ਇਕ ਵੱਡਾ ਭੁਚਾਲ ਉਸ ਵੇਲੇ ਆਇਆ ਜਦੋਂ ਖਬਰਾਂ ਆਈਆਂ ਕਿ ਕਾਂਗਰਸ ਆਗੂ ਭਾਰਤ ਭੂਸ਼ਣ ਆਸ਼ੂ ਨੇ ਹਾਈਕਮਾਨਡ ਨੂੰ ਇੱਕ ਚਿੱਠੀ ਲਿਖ ਕੇ ਇਹ ਜਤਾਇਆ ਕਿ ਉਹ ਪ੍ਰਤਾਪ ਬਾਜਵਾ, ਰਾਜਾ ਵੜਿੰਗ ਅਤੇ ਸੁਖਜਿੰਦਰ ਰੰਧਾਵਾ ਵਰਗੇ ਆਗੂਆਂ ਨਾਲ ਕੰਮ ਨਹੀਂ ਕਰਨਾ ਚਾਹੁੰਦੇ।
ਇਹ ਖਬਰ ਚਲਣ ਤੋਂ ਕੁਝ ਸਮੇਂ ਬਾਅਦ ਆਸ਼ੂ ਨੇ ਸਵੈੰ ਇਸ ਦੀ ਤਖ਼ਦੀਬ ਕਰਦਿਆਂ ਕਿਹਾ ਕਿ ਇਹ ਚਿੱਠੀ ਪਲਾਂਟਡ (ਝੂਠੀ) ਹੈ ਅਤੇ ਉਨ੍ਹਾਂ ਨੇ ਐਸੀ ਕੋਈ ਚਿੱਠੀ ਨਹੀਂ ਲਿਖੀ। ਹਾਲਾਂਕਿ ਉਨ੍ਹਾਂ ਨੇ ਇਨਕਾਰ ਕਰ ਦਿੱਤਾ, ਪਰ ਸਿਆਸੀ ਮਾਹੌਲ ਵਿਚ ਇਹ ਚਰਚਾ ਜ਼ੋਰਾਂ ‘ਤੇ ਹੈ ਕਿ ਭਾਵੇਂ ਚਿੱਠੀ ਕਾਗਜ਼ੀ ਰੂਪ ‘ਚ ਨਾਂ ਹੋਵੇ, ਪਰ ਦਿਲਾਂ ‘ਚ ਇਹ ਗੱਲਾਂ ਜ਼ਰੂਰ ਵੱਸ ਚੁੱਕੀਆਂ ਹਨ।
ਜਦੋਂ ਭਾਰਤ ਭੂਸ਼ਣ ਆਸ਼ੂ ਆਪਣੀ ਨਾਂਮਜ਼ਦਗੀ ਦਾਖਲ ਕਰਨਗੇ, ਕੀਤਦੋਂ ਰਾਜਾ ਵੜਿੰਗ ਅਤੇ ਪ੍ਰਤਾਪ ਸਿੰਘ ਬਾਜਵਾ ਉਹਨਾਂ ਦੇ ਨਾਲ ਮੌਜੂਦ ਹੋਣਗੇ? ਪਰ ਸਵਾਲ ਇਹ ਵੀ ਉਠਦਾ ਹੈ ਕਿ ਕੀ ਚੋਣੀ ਰਸਮਾਂ ਦੇ ਰਾਹੀਂ ਦਿਲਾਂ ਦੀਆਂ ਦੂਰੀਆਂ ਘਟ ਸਕਦੀਆਂ ਹਨ?
ਕਈ ਸਿਆਸੀ ਵਿਸ਼ਲੇਸ਼ਕ ਇਹ ਵੀ ਗੱਲ ਕਰ ਰਹੇ ਹਨ ਕਿ ਆਸ਼ੂ ਅਤੇ ਰਵਨੀਤ ਬਿੱਟੂ ਦੇ ਰਿਸ਼ਤੇ ਹੁਣ ਪੁਰਾਣੀ ਮਿੱਤਰਤਾ ਵਾਲੇ ਹਨ ਜਾਂ ਫਿਰ ਨਵੇਂ ਧਿਰਾਂ ਵਿਚ ਵੰਡ ਚੁੱਕੇ ਹਨ। ਪਿਛਲੀਆਂ ਚੋਣਾਂ ਦੌਰਾਨ ਲੁਧਿਆਣਾ ਪੱਛਮੀ ‘ਚੋਂ ਬਿੱਟੂ ਨੂੰ 18 ਹਜ਼ਾਰ ਦੀ ਲੀਡ ਮਿਲੀ ਸੀ, ਜਿਸ ਨੂੰ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਇਸ ਵਾਰ ਪਿਛਲੇ ਨਤੀਜਿਆਂ ਦੀ ਰੋਸ਼ਨੀ ‘ਚ ਨਵੇਂ ਨੈਰੇਟਿਵ ਵਜੋਂ ਪੇਸ਼ ਕਰਨਾ ਚਾਹੁੰਦੀ ਹੈ।
ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਭਾਜਪਾ ਇੱਥੇ ਕਮਜ਼ੋਰ ਉਮੀਦਵਾਰ ਲਿਆਉਣ ਦੀ ਰਣਨੀਤੀ ਵਿਚ ਹੈ ਤਾਂ ਜੋ ਬਿੱਟੂ ਦੀ ਚੋਣ ਦਾ ਰਾਹ ਸੌਖਾ ਹੋ ਜਾਵੇ। ਐਸੇ ਹਾਲਾਤ ਵਿਚ ਸਵਾਲ ਉਠ ਰਿਹਾ ਹੈ ਕਿ ਕੀ ਆਸ਼ੂ ਅੰਦਰੋਂ ਅੰਦਰ ਬਿੱਟੂ ਦੀ ਮਦਦ ਕਰ ਸਕਦੇ ਹਨ? ਜਾਂ ਕਾਂਗਰਸ ਦੀ ਅੰਦਰੂਨੀ ਧੜੇਬੰਦੀ 2027 ਦੇ ਰਣਨੀਤਕ ਮੈਦਾਨ ਦੀ ਜਮ੍ਹੀਨ ਤਿਆਰ ਕਰ ਰਹੀ ਹੈ?
ਇੱਕ ਹੋਰ ਮਹੱਤਵਪੂਰਨ ਗੱਲ ਇਹ ਵੀ ਰਹੀ ਕਿ ਆਸ਼ੂ ਨੇ ਹਾਲੀਆਂ ਮਹੀਨਿਆਂ ਦੌਰਾਨ ਨਾ ਤਾਂ ਪ੍ਰਦੇਸ਼ ਪ੍ਰਧਾਨ ਰਾਜਾ ਵੜਿੰਗ ਨਾਲ ਕਿਸੇ ਜਨਤਕ ਪਲੇਟਫਾਰਮ ‘ਤੇ ਰਲਣ ਦੀ ਕੋਸ਼ਿਸ਼ ਕੀਤੀ, ਨਾ ਹੀ ਪ੍ਰਤਾਪ ਸਿੰਘ ਬਾਜਵਾ ਜਾਂ ਸੁਖਜਿੰਦਰ ਰੰਧਾਵਾ ਕਿਸੇ ਵੱਡੇ ਇਵੈਂਟ ਦੌਰਾਨ ਆਸ਼ੂ ਦੇ ਸਾਥ ਨਜ਼ਰ ਆਏ। ਇਸ ਤੋਂ ਇਲਾਵਾ, ਜੋ ਇਬਾਰਤ ਕਥਿਤ ਚਿੱਠੀ ‘ਚ ਦਿਖਾਈ ਗਈ, ਉਨ੍ਹਾਂ ਨੂੰ ਲੋਕਾਂ ਨੇ ਸੱਚ ਮੰਨ ਲਿਆ, ਭਾਵੇਂ ਆਸ਼ੂ ਨੇ ਉਨ੍ਹਾਂ ਦੀ ਤਖ਼ਦੀਬ ਕਰ ਦਿੱਤੀ।
ਕਾਂਗਰਸ ਲਈ ਲੁਧਿਆਣਾ ਪੱਛਮੀ ਦੀ ਇਹ ਸੀਟ ਕੇਵਲ ਚੋਣ ਨਹੀਂ, ਸਗੋਂ ਪਾਰਟੀ ਦੇ ਅੰਦਰੂਨੀ ਏਕਤਾ ਅਤੇ ਮੈਸੇਜ ਦੀ ਜੰਗ ਵੀ ਹੈ। ਜੇਕਰ ਆਸ਼ੂ ਅਤੇ ਬਿੱਟੂ ਇੱਕ ਰਾਹ ‘ਤੇ ਆਉਂਦੇ ਹਨ, ਤਾਂ ਇਹ 27 ਦੀ ਚੋਣੀ ਜੰਗ ਲਈ ਇੱਕ ਮਜ਼ਬੂਤ ਸੰਕੇਤ ਹੋ ਸਕਦਾ ਹੈ।
ਹੁਣ ਦੇਖਣਾ ਇਹ ਰਹੇਗਾ ਕਿ 2 ਜੂਨ ਤੋਂ 19 ਜੂਨ ਤੱਕ ਕੌਣ-ਕੌਣ ਕਿਥੇ ਖੜਾ ਹੁੰਦਾ ਹੈ, ਤੇ ਲੋਕ ਕਿਹੜੇ ਸੰਦੇਸ਼ ਨੂੰ ਵੋਟ ‘ਚ ਬਦਲਦੇ ਹਨ।
