ਨੈਸ਼ਨਲ ਟਾਈਮਜ਼ ਬਿਊਰੋ :- ਉੱਤਰੀ-ਪੂਰਬੀ ਭਾਰਤ ਦੇ ਰਾਜਾਂ ਵਿੱਚ ਹੋ ਰਹੀ ਭਾਰੀ ਮੀਂਹ ਅਤੇ ਲੈਂਡਸਲਾਈਡ ਨੇ ਤਬਾਹੀ ਮਚਾਈ ਹੋਈ ਹੈ। ਸਿੱਕਮ ਵਿੱਚ ਐਤਵਾਰ (1 ਜੂਨ, 2025) ਦੀ ਸ਼ਾਮ ਆਰਮੀ ਕੈਂਪ ‘ਤੇ ਲੈਂਡਸਲਾਈਡ ਹੋਣ ਕਾਰਨ ਤਿੰਨ ਲੋਕਾਂ ਦੀ ਮੌਤ ਹੋ ਗਈ, ਜਿਨ੍ਹਾਂ ਵਿੱਚ ਕੁਝ ਜਵਾਨ ਵੀ ਸ਼ਾਮਲ ਹਨ। ਹੁਣ ਤੱਕ ਮਰੇ ਹੋਏ ਲੋਕਾਂ ਦੀ ਪਛਾਣ ਨਹੀਂ ਹੋ ਸਕੀ। ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਨੌ ਜਵਾਨ ਲਾਪਤਾ ਹਨ, ਜਿਨ੍ਹਾਂ ਦੀ ਤਲਾਸ਼ ਲਈ ਰਾਹਤ ਅਤੇ ਬਚਾਅ ਅਭਿਆਨ ਚੱਲ ਰਿਹਾ ਹੈ।
ਜਾਣਕਾਰੀ ਮੁਤਾਬਕ, ਉੱਤਰੀ ਸਿੱਕਮ ਦੇ ਪਹਾੜੀ ਖੇਤਰ ਵਿੱਚ ਐਤਵਾਰ (1 ਜੂਨ, 2025) ਦੀ ਸ਼ਾਮ ਕਰੀਬ 7 ਵਜੇ ਆਰਮੀ ਕੈਂਪ ‘ਤੇ ਭਾਰੀ ਲੈਂਡਸਲਾਈਡ ਹੋਇਆ। ਇਸ ਲੈਂਡਸਲਾਈਡ ਕਾਰਨ ਆਸ-ਪਾਸ ਦੇ ਇਲਾਕਿਆਂ ਵਿੱਚ ਬਣੇ ਘਰਾਂ ਨੂੰ ਭਾਰੀ ਨੁਕਸਾਨ ਪਹੁੰਚਿਆ ਹੈ। ਇਸ ਹਾਦਸੇ ਵਿੱਚ ਤਿੰਨ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ, ਜਦਕਿ ਕਈ ਲੋਕ ਲਾਪਤਾ ਹਨ। ਮਰੇ ਹੋਏ ਅਤੇ ਲਾਪਤਾ ਲੋਕਾਂ ਦੀ ਪਛਾਣ ਕਰਨ ਲਈ ਸਰਚ ਓਪਰੇਸ਼ਨ ਜਾਰੀ ਹੈ।
ਸਿੱਕਮ ‘ਚ ਫੱਸੇ 1500 ਸੈਲਾਨੀ
ਉੱਤਰੀ ਸਿੱਕਮ ਵਿੱਚ ਹੋ ਰਹੀ ਭਾਰੀ ਮੀਂਹ ਅਤੇ ਭੂ-ਖਲਨ ਕਾਰਨ ਹਾਲਾਤ ਕਾਫੀ ਗੰਭੀਰ ਹੋ ਗਏ ਹਨ। ਇਸ ਕਰਕੇ ਲਾਚੇਨ ਅਤੇ ਲਾਚੁੰਗ ਖੇਤਰ ਵਿੱਚ ਲਗਭਗ 1500 ਸੈਲਾਨੀ ਫੱਸੇ ਹੋਏ ਹਨ। ਮੰਗਨ ਜ਼ਿਲ੍ਹੇ ਦੇ ਐਸਪੀ ਸੋਨਮ ਦੇਚੂ ਭੂਟੀਆ ਨੇ ਦੱਸਿਆ ਕਿ ਲਾਚੇਨ ਵਿੱਚ 115 ਅਤੇ ਲਾਚੁੰਗ ਵਿੱਚ 1,350 ਸੈਲਾਨੀ ਅਜੇ ਵੀ ਉਥੇ ਹੀ ਹਨ। ਭੁਸਖਲਨ ਦੀ ਵਜ੍ਹਾ ਨਾਲ ਦੋਹੀਂ ਪਾਸਿਆਂ ਤੋਂ ਰਾਹ ਬੰਦ ਹੋ ਚੁੱਕੇ ਹਨ। ਸਾਰੇ ਸੈਲਾਨੀਆਂ ਨੂੰ ਫਿਲਹਾਲ ਆਪਣੇ ਹੋਟਲਾਂ ਵਿੱਚ ਹੀ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ। ਸੈਲਾਨੀ ਬੇਵਜ੍ਹਾ ਨਿਕਲਣ ਤੋਂ ਗੁਰੇਜ਼ ਕਰਨ।
