ਨੈਸ਼ਨਲ ਟਾਈਮਜ਼ ਬਿਊਰੋ :- ਪਾਸਟਰ ਅੰਕੁਰ ਨਰੂਲਾ ਦੇ ਨਾਲ ਸਟੇਜ ‘ਤੇ ਆਪ ਦੇ ਪੰਜਾਬ ਦੇ ਕਾਰਜਕਾਰੀ ਪ੍ਰਧਾਨ ਅਤੇ ਬਟਾਲਾ ਦੇ ਵਿਧਾਇਕ ਅਮਨਸ਼ੇਰ ਸਿੰਘ ਸੈਰੀ ਕਲਸੀ ਸਮੇਤ ਆਪ ਦੇ ਹੋਰ ਵੱਡੇ ਲੀਡਰ ਨਜ਼ਰ ਆਏ। ਇਹ ਪ੍ਰੋਗਰਾਮ ਪਾਸਟਰ ਅੰਕੁਰ ਨਰੂਲਾ ਦੇ ਵੱਲੋਂ ਬਟਾਲਾ ‘ਚ ਕਰਵਾਇਆ ਗਿਆ ਸੀ।
ਇਸ ਸਮਾਗਮ ‘ਚ ਵਿਧਾਇਕ ਸੈਰੀ ਕਲਸੀ ਨੇ ਸ਼ਿਰਕਤ ਕੀਤੀ। ਜਿਸ ਦੀ ਜਾਣਕਾਰੀ ਖੁਦ ਵਿਧਾਇਕ ਅਮਨਸ਼ੇਰ ਸਿੰਘ ਸੈਰੀ ਕਲਸੀ ਨੇ ਸੋਸ਼ਲ ਮੀਡੀਆ ‘ਤੇ ਦਿੱਤੀ। ਬਟਾਲਾ ਵਿਖੇ ਅੰਕੁਰ ਨਰੂਲਾ ਵਲੋਂ ਕਰਵਾਏ ਸਮਾਗਮ ‘ਚ ਵਿਧਾਇਕ ਸੈਰੀ ਕਲਸੀ ਤੋਂ ਬਿਨਾਂ ਵਿਧਾਇਕ ਗੁਰਦੀਪ ਸਿੰਘ ਰੰਧਾਵਾ, ਹਲਕਾ ਇੰਚਾਰਜ ਜਗਰੂਪ ਸਿੰਘ ਸੇਖਵਾਂ ਅਤੇ ਹਲਕਾ ਇੰਚਾਰਜ ਬਲਬੀਰ ਸਿੰਘ ਪਨੂੰ ਵੀ ਮੌਜੂਦ ਸਨ।
