ਨੈਸ਼ਨਲ ਟਾਈਮਜ਼ ਬਿਊਰੋ :- ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਕਿਹਾ ਕਿ ਉਹ ਅਮਰੀਕਾ ਵਿਚ ਆਯਾਤ ਹੋਣ ਵਾਲੇ ਤਾਂਬੇ ‘ਤੇ 50% ਟੈਰਿਫ਼ਾਂ ਦਾ ਐਲਾਨ ਕਰਨਗੇ।
ਟਰੰਪ ਨੇ ਇਹ ਟਿੱਪਣੀਆਂ ਮੰਗਲਵਾਰ ਨੂੰ ਵ੍ਹਾਈਟ ਹਾਊਸ ਵਿੱਖੇ ਕੈਬਿਨੇਟ ਮੀਟਿੰਗ ਦੌਰਾਨ ਕੀਤੀਆਂ।
ਅਮਰੀਕਾ ਵੱਲੋਂ ਲਗਾਏ ਕਈ ਹੋਰ ਟੈਰਿਫ਼ਾਂ ਦਾ ਜ਼ਿਕਰ ਕਰਦਿਆਂ ਟਰੰਪ ਨੇ ਕਿਹਾ, ਅੱਜ ਅਸੀਂ ਤਾਂਬੇ ‘ਤੇ ਕਰ ਰਹੇ ਹਾਂ। ਮੇਰਾ ਮੰਨਣਾ ਹੈ ਕਿ ਅਸੀਂ ਤਾਂਬੇ ‘ਤੇ 50% ਟੈਰਿਫ਼ ਲਗਾਵਾਂਗੇ।
ਟਰੰਪ ਪ੍ਰਸ਼ਾਸਨ ਨੇ ਫਰਵਰੀ ਵਿੱਚ ਅਮਰੀਕਾ ਵਿੱਚ ਹੁੰਦੇ ਤਾਂਬੇ ਦੇ ਆਯਾਤ ‘ਤੇ ਸੈਕਸ਼ਨ 232 (ਨਵੀਂ ਵਿੰਡੋ) ਜਾਂਚ ਦਾ ਐਲਾਨ ਕੀਤਾ ਸੀ। ਇਹ ਜਾਂਚ ਤਾਂਬੇ ਦੇ ਆਯਾਤ ਦੇ ਰਾਸ਼ਟਰੀ ਸੁਰੱਖਿਆ ‘ਤੇ ਪੈਂਦੇ ਪ੍ਰਭਾਵਾਂ ਨੂੰ ਦੇਖਦੀ ਹੈ।
ਕੈਨੇਡਾ ਅਮਰੀਕਾ ਨੂੰ ਤਾਂਬੇ ਦਾ ਇੱਕ ਵੱਡਾ ਨਿਰਯਾਤਕ ਹੈ।
ਟਰੰਪ ਪਹਿਲਾਂ ਹੀ ਸਟੀਲ, ਐਲੂਮੀਨੀਅਮ ਅਤੇ ਆਟੋ ‘ਤੇ ਸੈਕਸ਼ਨ 232 ਟੈਰਿਫ ਲਗਾ ਚੁੱਕੇ ਹਨ, ਜੋ ਕਿ ਕੈਨੇਡੀਅਨ ਅਰਥਵਿਵਸਥਾ ਲਈ ਖਾਸ ਤੌਰ ‘ਤੇ ਨੁਕਸਾਨਦੇਹ ਰਹੇ ਹਨ, ਜਿਸ ਕਾਰਨ ਨੌਕਰੀਆਂ ਦਾ ਨੁਕਸਾਨ ਹੋਇਆ ਹੈ ਅਤੇ ਨਿਰਯਾਤ ਵਿੱਚ ਗਿਰਾਵਟ ਆਈ ਹੈ।
ਇਹ ਟੈਰਿਫ ਅਮਰੀਕੀ ਵਪਾਰ ਕਾਨੂੰਨ ਦੇ ਉਸ ਭਾਗ ਤੋਂ ਲਏ ਗਏ ਹਨ ਜੋ ਰਾਸ਼ਟਰਪਤੀ ਨੂੰ ਕੁਝ ਖਾਸ ਚੀਜ਼ਾਂ ‘ਤੇ ਟੈਰਿਫ਼ ਲਗਾਉਣ ਦੀ ਆਗਿਆ ਦਿੰਦਾ ਹੈ ਜੋ ਰਾਸ਼ਟਰੀ ਸੁਰੱਖਿਆ ਲਈ ਖ਼ਤਰਾ ਹਨ।
ਟਰੰਪ ਨੇ ਆਪਣੇ ਪਹਿਲੇ ਕਾਰਜਕਾਲ ਵਿੱਚ ਵੀ ਧਾਤਾਂ ‘ਤੇ ਟੈਰਿਫ ਲਗਾਉਣ ਲਈ ਉਕਤ ਸੈਕਸ਼ਨ ਦੀ ਵਰਤੋਂ ਕੀਤੀ ਸੀ। ਪਰ ਪਿਛਲੀ ਲਿਬਰਲ ਸਰਕਾਰ ਦੁਆਰਾ ਕੈਨੇਡਾ-ਅਮਰੀਕਾ-ਮੈਕਸੀਕੋ ਸਮਝੌਤੇ (CUSMA) ਦੀ ਵਿਚੋਲਗੀ ਤੋਂ ਬਾਅਦ ਸਿਰਫ ਕੈਨੇਡੀਅਨ ਉਤਪਾਦਾਂ ‘ਤੇ ਟੈਰਿਫ਼ ਹਟਾ ਲਏ ਗਏ ਸਨ।
ਕੈਨੇਡਾ ਅਮਰੀਕਾ ਨੂੰ ਤਾਂਬੇ ਦਾ ਇੱਕ ਵੱਡਾ ਨਿਰਯਾਤਕ ਹੈ ਅਤੇ 50% ਟੈਰਿਫ਼ ਅਮਰੀਕੀ ਆਯਾਤਕਾਂ ਲਈ ਤਾਂਬਾ ਲਿਆਉਣਾ ਹੋਰ ਮਹਿੰਗਾ ਬਣਾ ਦੇਣਗੇ।
ਫ਼ੈਡਰਲ ਅੰਕੜਿਆਂ ਦੇ ਅਨੁਸਾਰ, ਕੈਨੇਡਾ ਨੇ 2023 ਵਿਚ ਤਾਂਬੇ ਅਤੇ ਤਾਂਬੇ ਤੋਂ ਬਣੇ 9.3 ਬਿਲੀਅਨ ਦੇ ਉਤਪਾਦ ਨਿਰਯਾਤ ਕੀਤੇ ਸਨ, ਜਿਸ ਵਿਚੋਂ 52% ਉਤਪਾਦ ਅਮਰੀਕਾ ਭੇਜੇ ਗਏ ਸਨ। ਅਗਲੇ ਸਭ ਤੋਂ ਵੱਡੇ ਬਾਜ਼ਾਰ ਚੀਨ ਅਤੇ ਜਾਪਾਨ ਰਹੇ, ਜੋ ਕਿ ਕੈਨੇਡੀਅਨ ਨਿਰਯਾਤ ਦਾ ਕ੍ਰਮਵਾਰ 17 ਅਤੇ 12% ਬਣਦਾ ਹੈ।
ਟਰੰਪ ਅਤੇ ਕਾਰਨੀ 21 ਜੁੁਲਾਈ ਤੱਕ ਕਿਸੇ ਵਪਾਰਕ ਹੱਲ ‘ਤੇ ਪਹੁੰਚਣ ਲਈ ਸਹਿਮਤ ਹੋਏ ਹਨ ਅਤੇ ਚਰਚਾਵਾਂ ਚਲ ਰਹੀਆਂ ਹਨ।
