ਨੈਸ਼ਨਲ ਟਾਈਮਜ਼ ਬਿਊਰੋ :- ਅੰਮ੍ਰਿਤਸਰ ਏਅਰਪੋਰਟ ‘ਚ ਦੋ ਧਿਰਾਂ ਦੇ ਵਿਚਕਾਰ ਤਕਰੀਬਨ 20 ਮਿੰਟ ਤੱਕ ਜਮ ਕੇ ਹੰਗਾਮਾ ਹੋਇਆ। ਮੌਕੇ ‘ਤੇ ਏਅਰਪੋਰਟ ਸਕਿਉਰਟੀ ਨੇ ਦਖਲ ਦਿੰਦੇ ਹੋਏ ਡੰਡਿਆਂ ਦੀ ਵਰਤੋਂ ਕਰਕੇ ਲੜਾਈ ਨੂੰ ਰੋਕਿਆ ਅਤੇ ਧਿਰਾਂ ਨੂੰ ਵੱਖ-ਵੱਖ ਕੀਤਾ। ਹਾਦਸੇ ਤੋਂ ਅੱਧੇ ਘੰਟੇ ਬਾਅਦ ਪੁਲਸ ਮੌਕੇ ‘ਤੇ ਪਹੁੰਚੀ, ਪਰ ਪੁਲਸ ਦੇ ਆਉਣ ਤੱਕ ਲੜਾਈ ਵਿੱਚ ਸ਼ਾਮਿਲ ਲੋਕ ਵੱਖ-ਵੱਖ ਰਸਤੇ ਫਰਾਰ ਹੋ ਗਏ। ਪ੍ਰਾਪਤ ਜਾਣਕਾਰੀ ਮੁਤਾਬਕ ਇਹ ਮਾਮਲਾ ਪੈਸੇ ਦੇ ਲੈਣ-ਦੇਣ ਨਾਲ ਜੁੜਿਆ ਹੋਇਆ ਸੀ। ਇਕ ਪੱਖ ਦੇ ਲੜਕੇ ਨੂੰ ਮਖੂ ਇਲਾਕੇ ਦਾ ਦੱਸਿਆ ਜਾ ਰਿਹਾ ਹੈ, ਜਿਸਦੀ ਫਲਾਈਟ ਸੀ, ਅਤੇ ਦੂਜੀ ਧਿਰ ਉਸ ਤੋਂ ਪੈਸੇ ਲੈਣ ਲਈ ਮੌਕੇ ‘ਤੇ ਪਹੁੰਚੀ। ਹਾਦਸੇ ਦੇ ਕਾਰਨ ਏਅਰਪੋਰਟ ‘ਤੇ ਅਸਥਾਈ ਤੌਰ ‘ਤੇ ਹੜਕੰਪ ਮਚ ਗਈ।
